Kağız dünyası qablaşdırmaya keçir: mətbəələr üçün bu nə deməkdir?
Bir neçə il əvvəl kağız deyəndə ilk ağla gələn kitab, qəzet və ofis kağızı idi. Bu gün isə dünyada istehsal olunan kağızın böyük h…

Qızılı loqolu vizit kartı, parıldayan yazılı dəvətnamə, gümüşü naxışlı hədiyyə qutusu – bu effektlər adətən folqa ilə əldə olunur. Folqa çapa elə metal parıltısı verir ki, onu heç bir boya ilə almaq mümkün deyil. Bu məqalədə folqanın nə olduğunu, növlərini və hansı iş üçün hansını seçməyi izah edirik.
Poliqrafiyada folqa (ingiliscə foil) – bir neçə qatdan ibarət çox nazik plyonkadır. Ən altda daşıyıcı poliester (PET) baza olur, onun üzərində ayırıcı qat, rəngli lak, metallaşdırılmış (adətən alüminium) qat və ən üstdə yapışqan qatı yerləşir. İstilik, təzyiq və ya yapışqanın təsiri ilə rəngli-metal qat bazadan ayrılır və kağıza keçir, şəffaf PET baza isə tullantı kimi qalır.
Ən geniş yayılmış və ən keyfiyyətli üsuldur. Dizayn maqnezium, mis və ya latun klişeyə köçürülür. Klişe təxminən 100–150 °C-yə qədər qızdırılır, folqa kağızla klişe arasına qoyulur və pres basır. Folqa yalnız klişenin relyefi toxunan yerlərdə kağıza keçir.
Printshop-dakı folqalar məhz bu növdəndir – 64 sm enində rulonlarda, qızılı, gümüşü, bürünc, rəngli, holoqrafik və şəffaf çeşiddə.
Dizayn lazer printerdə və ya rəqəmsal çap maşınında qara tonerlə çap olunur. Sonra folqa çap olunmuş sahənin üstünə qoyulub isti laminatordan keçirilir – folqa yalnız tonerə yapışır.
Ofset və ya fleksoqrafik çap maşınında əvvəlcə xüsusi UV yapışqan çap olunur, folqa ona sıxılır və UV lampa ilə bərkidilir. Klişe qızdırılmır. Ən böyük üstünlüyü – folqanın üzərindən adi rənglərlə çap etmək mümkündür, belə ki, istənilən metal rəng (məsələn, metallik yaşıl və ya bənövşəyi) bir folqa ilə alınır.
Rəqəmsal lak maşınları (məsələn, MGI JETvarnish və ya Scodix) əvvəlcə ink-jet üsulu ilə UV lak çəkir, sonra folqa həmin lakın üstünə yapışdırılır. Klişe lazım deyil, lak qalın çəkiləndə toxunanda hiss olunan 3D effekt yaranır. Hər nüsxəyə fərqli ad və ya mətn yazmaq olar – fərdi dəvətnamələr və sertifikatlar üçün idealdır.
Printshop-da geniş çeşiddə isti folqa basqısı üçün folqalar, dizayn kağızları, laminasiya plyonkası və cildləmə materialları mövcuddur. Ətraflı məlumat və qiymətlər üçün zəng edin və ya WhatsApp-a yazın: 050 890 11 44. Ünvan: A.Salamzadə küçəsi, Bakı.
Bir neçə il əvvəl kağız deyəndə ilk ağla gələn kitab, qəzet və ofis kağızı idi. Bu gün isə dünyada istehsal olunan kağızın böyük h…
A Analog rəng sınağı – Tirajdan əvvəl fotoformalar əsasında hazırlanan rəng nümunəsi. B Biqovka – Material üzərində qatlama xətlər…
Kağız alarkən ən çox eşidilən rəqəm onun qramajıdır: 80, 120, 170, 300… Bəs bu rəqəmlər nə deməkdir və hansı iş üçün hansını seçmə…
Kağız seçimi, qramaj və ölçülər üzrə məsləhət üçün bizimlə əlaqə saxlayın.